notre actualités
Sociale | Publié le 29.07.2009
Lusanzu lwa Baluba
Kia, Mulopo wa Cyama,
Twetu kukenga nunku,
Kwendabu netu kadyabata kudi bisamba byônso,
Twetu kwenza amu bu kiishi ka kunwina ku maala.
[...]
Baana ba Muluba kufwa kwelangana nyima
Ne nzala, ne nyota, ne munya ne mvula.
Tukaadi batangalaka buloba bujima,
Bu bantu badyombola benda basokoma,
Kwetu kushala, kupandika mbuwa, kumena bisuku,
Bukwamatunga bututa mbonga ya mu eetu maloba.
Twetu kupanga boobumwe, e kupanga ne bukalenga.
[...]
Wewa Mulopo Maweeja-Nangila,
Dîba katangilaayi cishiki, wakutangila dyamosha nsesa.
Nwenu Bankambwa beetu ba cisamba cya Baluba.
Ki luzanzu lutudi twela alu:
Amu cisamba cya Baluba ciikala cikubenga wewa
Mulopo,
Anu cisamba cya Baluba ciikala cinyenga bukalenga bwa bende.
Anu cisamba cya Baluba ciikala kaciyi ciswa
kusomba ne bantu.
Amu cisamba cyetu ciikala ciyila ditunga dya Kongo mu cipangu.
Kadi piikala ku wetu mwela kakyi mashi,
Nanku muntu yonso watuyila mu cipangu,
Cisa cyonso cyakina Muluba cyanana,
Cibwa cyacyo ku mesu, kacimonyi nganda.
Muluba yonso wapangila mwanabo,
Ne ngwa ku Katanga, ne ngwa ku Kasayi
Wasangana ne mâyi kupweka any'ee
Wapweka!
(kabasele lumbala, "ndi muluba")